हो चलल अरगिया के बेर
जल्दी से उठऽ ना ए स्वामी जी
हो चलल अरगिया के बेर
हो चलल अरगिया के बेर।
कुछ देर में उगिहे सूरूज देव
जनि करऽ उठे में तू देर
जनि करऽ उठे में तू देर।
हाली हाली दुह के गयिया
चलऽ दउरा लेके घाट
चलऽ दउरा लेके घाट।
अरे, कुछे देर में उगिहें सूरूज देव
जनि करऽ स्वामी तूहूँ देर
जनि करऽ स्वामी तूहूँ देर।
गँऊवा के भूखल सभ अवरतिया
देखऽ जाये लगली गावत गीत घटिया
जनि करऽ स्वामी तूहूँ देर
जनि करऽ स्वामी तूहूँ देर।
माथ प लेके दउरवा
कान्ह प लेके ऊखिया के लगिया
जल्दी चलऽ तूहूँ घाट
जल्दी चलऽ तूहूँ घाट।
जनि करऽ स्वामी अब तू देरिया
हो चलल अरिगिया के बेर
हो चलल अरगिया के बेर।
