भरोसा उठल जात बा
अब बेटिन के
आदमी पर से
भगवान अल्लाह गाॅड पर से
भरोसा उठल जात बा
ना कवनो आदमी के
ना कवनो भगवान के
हम सभ बेटीन के
रक्षा करत देखके
अब इनका प से
भरोसा
उठल जात बा ।
खेत खलिहान
स्कूल कालेज
असपताल से लेके
राम अल्लाह गाॅड के
आश्रम तक
अपनाके लुटाईल
अउर मराईल देखके
बेटी सभ कहतारी कि
अब इनका प से
हमनी के भरोसा
उठल जात बा ।
हमनी के
रोजे आदमी अपहरण करत बा
रोजे बलात्कार करत बा
रोजे हमनी के
हाथ पाँव बाँधके
मुँह में लता ठूँसके
आरी से
टुकड़ा टुकड़ा करत बा
खुदा राम गाॅड में से
केहु ना परगट होके
हमनी के बचावत बा ?
एहिसे
अब आदमी पर से
गाॅड अल्लाह राम पर से
हमनी के
भरोसा उठल जात बा।
