जनप्रतिनिधि कतना शिशुपाल
संभवा में घुसल बेइमानवा, बोलऽ रोकल कइसे जाई,
वमवा, बारूद से बक्सा में जीन भरे, बोलऽ रोकल कइसे जाई।
वोट आ बेटी, कहे जाति के दिआइ, इ भूत कवन मंतर से झराई;
अंगुली अबही ना रंगाइल, कहे बोट पड़ गोइल, बोल कइसे सोझराई।
कोर्ट करता गोहार, बडुवे तोहरो अधिकार, इ ना छीनल जाई;
जाने के अधिकार बा जनता के, जेकरा माथे उहो टीका लगाई।
निर्वाचन के साहेब मांगलन विवरण, ठनकल माथ इनकर, इका दीहल जाई?
दोष का देखिहें कोर्ट, भूलइलन, समरथ के कछु दोष ना गोसाई।
सींकचा के भीतर कतना बे गोइल, कतना वे आउरी जइब;
कतना माल बनइल नामी-बेनामी, आउर कतना पेट फुलइब।
डायनामाइट, एक नाली, दो नाली, बम तक त देखलइल;
संविधान बाकिर पोथी का ढोवले बाड़१इहो कबे बतलइब।
बोफोर्स, यूरीया घोटाला, सांसद रिश्वत में बडुओ तोहरो नाम समेटाइल;
ताबुत, तहलका, यू०टी०आई, मारिशस मार्ग, पेट्रोल पंप में नाम हव घसीटाइल।
अरबन, मेधा आ चारा घोटाला में, हव जान के ससत आइलं;
आस्था में अरमान रह बटोरले, तोहमत मस्जिद ढहला के माथी लागल।
पंचायत से विधान सभा, संसद तक जब हमहीं अईन बनाई,
के होला ई कोर्ट, कचहरी, आपन नियम, हमरो के उहो पढ़ाई ,
इ ना होवे पायी, फारम भरते, हमरो नामवा छाँटल जाई;
न्यायक आयोग बना के, कोर्ट के अब तो नाथल जाई।
जुट हाथ, हाथी तू जुट, लालटेन के साथे साइकिल तु जुट,
कमल कलश त जुटले वा, हसुआ, खुरपी तुहूँ जुट।
का मशाल बुझ जायी तब जुटवे, हरे मुर्गा वाला भी बा जुटल;
सब दल के देनी जुटाय, निर्दलीय बा अपने जुटल।
आव मिल के भोथर कर दी जा कोर्ट के धार, वार पलट के करी जा;
आपस के जुतम पैजार भूल के, अपराध बोध के ठेंगा कर दी जा।
न्यायालय के निर्देशन के, चीर हरण हम करके छोड़ब,
कवन कृष्णा बचइहें उनका, चक्कर में चक्र के रख डालब।
एक घर डायन छोड़ली, एक खून भगवान भी छोड़े लन,
अपराधी, अपराधी नाहीं, अपराधी, ओइसन पोथी के पन्ना कोड़ेलन।
मिलल हाथ हथियार अपराधी के, अब केहु पकड़ ना पाई;
एक काहे, सौ गलती तक राजनीति के शिशुपाल ना छुअल जाई।
जाग जनता, छोड़ सुतल, जीत ना पावे कोई जंजीरे के भीतर,
जेकरा कुर्त्ता पर होखे लागल दाग, आवे ना पावे उहो उपर।
